حرب السلايف

كانت بتكدب.
وأنا شفت ده في عينيها.
الأستاذ عادل فتح الشنطة الجلد اللي كانت في إيده، وطلع ملف قديم، اصفرّت ورقه من الزمن.
حطه قدام الحاج محمود وقال
دي كل المستندات اللي طلبتها.
الحاج محمود فتح الملف بهدوء.
كلنا كنا مستنيين يفهمنا فيه إيه.
لكن أول ما قلب أول ورقة...
ملامحه اتغيرت.
وبعدين رفع عينه ناحية مريم.
وسألها سؤال واحد
إنتِ ليه خبّيتي الحقيقة؟
مريم اتلعثمت.
ح... حقيقة إيه؟
رمى قدامها صورة قديمة.
أحمد كان أقرب واحد للصورة، فالتقطها.
بص فيها شوية...
وبعدين رفع عينه بصدمة.
دي... إنتِ؟
الصورة كانت لمريم...
واقفة جنب راجل، وفي حضنها طفل عمره يمكن سنة.
كريم خطف الصورة من إيد أحمد.
فضل يبص فيها ثواني طويلة.
وقال بصوت مخنوق
مين الطفل ده؟
مريم دموعها نزلت فجأة.
وقعدت على الكرسي.
أنا... كنت هقولك.
كريم