حرب السلايف

يا بابا... المستثمرين طلبوا يراجعوا العقود.
رد الحاج محمود بمنتهى البرود
خليه مع أحمد.
المعلقة وقعت من إيد مريم.
بصت لجوزها بصدمة.
أما كريم...
فوشه اصفر.
المشروع ده كان أكبر مشروع في الشركة.
ومن عشر سنين...
محدش غير كريم كان بيمسكه.
وأهو...
اتسحب منه في ثانية.
...
بعد العشا...
مريم دخلت أوضتها وهي مولعة.
سمعتها وهي بتقول لكريم
إنت ساكت ليه؟
واقف تتفرج عليهم وهما بياخدوا كل حاجة؟
كريم لأول مرة صرخ فيها.
لأن اللي بيحصل ده بسببك.
سكتت.
كل مرة كنت بقولك بطلي تطلعي تتكلمي عن العيلة.
وإنتِ كنتِ تقوليلي أنا حرة.
دلوقتي... ادفعي تمن حريتك.
الكلمة دي جرحتها.
خرجت من الأوضة وهي بتخبط الباب وراها.
...
تاني يوم...
اتفاجأت إن اسم مريم متصدر التريند من جديد.
لكن المرة دي...
مش بسبب لقاء.
ولا ندوة.
دي كانت كاتبة منشور طويل جدًا.
بتهاجم