حرب السلايف

الأرض.
فجأة...
الحاج محمود قال وهو بيقطع الأكل
سمعت إنك بتدوري على شقة.
مريم اتصدمت.
بصتله بسرعة.
مين قال لحضرتك؟
ابتسم ابتسامة خفيفة.
أنا بعرف كل حاجة.
اتوترت.
وقالت
كنت... بس ببص.
رد بهدوء
كويس.
أصل اللي ناوي يعيش بعيد...
الأفضل يبتدي يتعود من دلوقتي.
السكينة وقعت من إيد كريم.
أما مريم...
فاتغير لون وشها.
كلنا فهمنا الرسالة.
الحاج محمود لأول مرة...
بيتكلم عن خروجهم من بيت العيلة.
...
بعد الغدا...
ندى جريت عليا وهي مرعوبة.
وقالت بصوت واطي
يا مدام سارة...
سمعت مدام مريم بتكلم واحدة في التليفون.
سألتها
بتقول إيه؟
ندى بلعت ريقها.
كانت بتقول... لو الورقة دي وصلت للحاج محمود... كل حاجة هتضيع.
اتكهرب جسمي.
ورقة إيه؟
هزت كتفها.
معرفش.
...
ومن اليوم ده...
مريم بقت كل يوم تخرج من البيت بالساعات.
وترجع وهي متوترة.
وكريم بقى شارد...
ولا بيكلم حد.
كنت حاسة إن فيه سر أكبر مستخبي.
سر أخطر