حرب السلايف

عينه.
وبص لها لأول مرة من بداية القعدة.
وقال بمنتهى الهدوء
لأ.
أنا بعاقب كريم...
لأنه اختار شريك حياة مش فاهم يعني إيه مسؤولية.
الصمت خيم على المكان.
الكلمة كانت أقسى من أي إهانة.
مريم عينيها دمعت.
وقالت
أنا عمري ما خنت العيلة.
رد الحاج محمود
الخيانة مش دايمًا فلوس.
أوقات بتكون كلمة.
وأوقات بتكون شهرة.
وأوقات بتكون إن أسرار بيتك تبقى مادة للناس.
مريم حاولت تتكلم.
لكن الحاجة ليلى قاطعتها لأول مرة.
وقالت
إحنا اديناكي فرص كتير.
طلبنا منك تبعدي اسم العيلة عن الإعلام.
وحذرناكي.
لكن كل مرة كنتِ ترجعي تنشري أكتر.
...
مريم بصت ناحية كريم.
كانت مستنية يدافع عنها.
لكنه...
كان باصص في الأرض.
ولا نطق بحرف.
في اللحظة دي...
عرفت إنها لأول مرة حست إنها لوحدها.
...
بعد الاجتماع...
وأنا طالعة السلم.
سمعت مريم بتنادي عليا.
لفيت.
كانت واقفة ورايا.
وشها كله دموع.
وقالت