حرب السلايف

فاكرة إن كل اللي بيحصل مجرد ضغط نفسي من أهل جوزها.
وقالت لكريم وهي قاعدة قدامه
سيبهم يزعلوا.
هما في الآخر محتاجينك.
كريم بص لها بتعب.
إنتِ مش فاهمة.
بابا عمره ما بيزعل.
بابا لما يسكت... يبقى أخطر.
لكن مريم ضحكت.
إنت مكبر الموضوع.
هو هيلاقي حد يمسك المجموعة غيرك؟
كريم سكت.
بس لأول مرة...
كان جواه شك.
...
بعدها بأيام...
الحاجة ليلى أعلنت عن حفلة خيرية ضخمة، هتحضرها شخصيات مهمة، ووزراء، ورجال أعمال.
وقالت قدام الكل
كل واحدة من كناتي هتمسك مسؤولية جزء من الحفل.
بصت لمريم.
وقالت بابتسامة
إنتِ يا مريم هتستقبلي الضيوف.
وبصتلي أنا.
وسارة هتكون مسؤولة عن تنظيم التبرعات والتوقيع على اتفاقية المستشفى الجديدة.
كل الموجودين استغربوا.
دي أول مرة الحماة تديني مسؤولية بالحجم ده.
أما مريم...
فحاولت تخبي ضيقها.
لكن عنيها فضحتها.
...
قبل الحفلة