​جوزي كلم مديري في الشغل وبلغه إني بستقيل. لا سألني، ولا حذرني، ولا حتى لمح لي. ببساطة كدة قرر إن كفاح خمس سنين في شغلي يترمي في الزبالة . بس مديري سجل المكالمة

فوق المكعبات.
وطيت صوتي متقوليش الكلام ده قدامها.
خالد قرب مني خلينا نخلص الموضوع ده بالذوق، سيبك من الشغل، أنا هشيل المصاريف وإنتي شيل سما.
يعني أخسر مرتبي، وتأميني، وأقدميتي، وترقيتي.. وحريتي؟
عينيه اسودت حرية؟ هو أنا سجان؟
مردتش.. لأن سما كانت بتبص علينا.
بالليل، بعد ما نيمتها، خالد حط ورقتين على السرير امضي هنا.
إيه ده؟
ورق تبع المدرسة.. وشوية تغييرات في الحسابات.. ما دام هتقعدي يبقى لازم نعيد ترتيب أمورنا.
مسكت الورق.. مكنش ورق مدرسة.
الأولى كانت استقالة مطبوعة باسمي.
التانية كانت تفويض لخالد بجمع أي مبالغ مستحقة ليا من الشركة نظراً لظروف عائلية.
بصيت له بذهول إنت فاكرني هبلة؟
أنا فاكرك مشوشة.
مش همضي. قرب مني لدرجة إني شميت ريحة الشاي في نفسه يبقى متلومنيش لو سما ضاعت بسبب أنانيتك.
الجملة دي رعبتني.. مش على نفسي، على البنت.
تاني يوم الصبح، عملت حاجة عمري ما عملتها في جوازنا.
فتحت الدرج اللي خالد بيشيل فيه فواتيره.
جوا، تحت ورق التأمين والوصلات القديمة، لقيت بلاوي.
إنذارات بمديونيات.. فيزا مشطوبة.. قرض شخصي.. قسطين متأخرين.
وجواب من شركة تمويل.. كان مديون بأكتر من مرتب ست شهور.
ساعتها فهمت.
هو مش عاوزني في البيت عشان سما.
هو عاوز مستحقاتي.. مرتب القفلة.. مكافأة نهاية الخدمة.. ومدخراتي.
كان عاوز يستخدم حبي لبنته مفتاح لحسابي في البنك.
بس الحقيقة الأوسخ مكنتش لسه ظهرت.
المغرب، أستاذ رأفت كلمني تاني نادية، ممكن تجيلي المكتب قبل ما تمشي؟
أطرافي بردت.
لما دخلت، قفل الباب وقال جوزك اتصل تاني.
قال إيه المرة دي؟
أستاذ رأفت خد نفس طويل المرة دي أنا سجلت المكالمة.. أنا مش بعمل كدة عادةً، بس بعد رسالة الواتساب كنت قلقان.
داس Play.
صوت خالد طلع واضح.. هادي.. ومؤدب بزيادة
يا فندم، مراتي مش في حالة تسمح لها تاخد قرار، أنا اللي بمشي البيت.. أنا محتاج مستحقاتها بسرعة عشان أدخل البنت مدرسة خاصة وأقفل موضوع كدة مع أمها الحقيقية.
جسمي نمل.. أستاذ رأفت وقف الصوت مؤقتاً وقال لسه في تكملة.
شغلها تاني.. خالد كمل وهو بيضحك بابتسامة خبيثة باينة في صوته
لو نادية عرفت إن أم سما بتبعت نفقة شهرية بقالها سنتين، الدنيا هتتهد. هي فاكرة إن الست دي مابتصرفش مليم، وده مصلحة ليا.. عشان كدة لازم نادية تسيب الشغل وتتفرغ للبنت، توفيراً للمصاريف.
الأوضة لفت بيا.
سنتين.. سنتين من الكذب.
سنتين والحاجة صفية بتقول على الست دي قليلة أصل.
سنتين وخالد بيمثل إنه معوش فلوس.
سنتين وأنا اللي بدفع لبس سما، ودواها، ومصاريف مدرستها، وهدايا عيد ميلادها، وكورسات الرقص.
سنتين وهو بيستخدم قلبي عشان يفضّي جيوبي وحياتي.
أستاذ رأفت قفل التسجيل نادية.. الموضوع ده مابقاش مجرد مشكلة عائلية.
مقدرتش أنطق.. عيني كانت بتحرقني، بس ما عيطتش.
طلعت موبايلي وكلمت أنجي.. صاحبتي من أيام الكلية، وبقت محامية أحوال شخصية شاطرة.
نفس الست اللي قالت لي في يوم يوم ما الراجل ده يحاول يطفي نورك، كلميني قبل ما تسامحيه.
اليوم ده كلمتها.
وبالليل، رجعت البيت كأن مفيش حاجة حصلت.
أكلت سما رز وخضار.. حميتها.. دهنت لها شعرها زيت.
قريت لها قصة الأرنب الذكي والأسد الغبي.
لما نامت، بوست راسها وهمست لها مفيش حاجة من دي ذنبك يا حبيبتي.
بعدها خرجت المطبخ.
حطيت تلات حاجات على سفرة الأكل
ورقة الاستقالة اللي متمضتش.
سكرين شوت من الواتساب.
وفلاشة عليها تسجيل اعتراف خالد.
خالد دخل وهو بيتثاوب إيه كل ده؟
بصيت له في عينه خطتك.
وشه بقى أصفر زي الليمونة.. وقبل ما ينطق بكلمة، موبايلي رن.
رقم غريب.. فتحت سبيكر.
صوت ست كانت بتترعش على الناحية التانية
نادية هانم؟ أنا أم سما.. أرجوكي متقفليش. خالد فهمك إني رميتها صح؟
خالد هجم على الموبايل عشان يقفله.. بس أنا رجعت لورا.
وساعتها الست قالت الجملة اللي خلت الحاجة صفية توقع صينية الشاي من إيدها
أنا بقالي سنتين بحارب عشان بنتي.. وبكرة الصبح أنا جاية ومعايا حكم المحكمة اللي هو خباه عنك!
بعد ما نادية واجهت خالد بالفلاشة اللي عليها تسجيل مديره وسكرين شوتس الرسايل، البيت كان غرقان في صمت مرعب. خالد كان وشه أصفر وواقف يحاول يجمع أي كذبة جديدة ينقذ بيها نفسه، والحاجة صفية كانت بتبص للأرض ومستنية ابنها يتصرف.
في اللحظة دي، موبايل نادية رن برقم غريب.. نادية فتحت السبيكر وحطت الموبايل على السفرة في نص الصالة.
صوت ست كان بيرتعش وطالع بالعافية من الناحية التانية
ألو.. نادية هانم؟ أنا ميرا.. أم سما.. أرجوكي متقفليش السكة في وشي.
خالد أول ما سمع الاسم، عينه برقت وهجم على السفرة عشان يخطف الموبايل، بس نادية كانت أسرع منه، رجعت خطوة لورا ورفعت الموبايل لفوق وهي بتبص له بتحدي وقالت سيبها تتكلم يا خالد.. خلينا نشوف الست اللي رمت بنتها دي عاوزة إيه.
ميرا كملت وهي بتعيط
نادية هانم، أنا عارفة إن خالد وأمه فهموكي إني بعت بنتي وجريت ورا حياتي.. بس والله العظيم ده كدب. خالد طردني من البيت بالهدوم اللي عليا ورمى ورقتي، ورفض يخليني أشوف بنتي نهائي.. ولما لجأت للمحاكم، كان بيغير سكنه ويغير نمر تليفونه عشان ميخليش المحضرين يوصلوا له.
الحاجة صفية صرخت بغل كدابة يا خطافة الرجالة! إنتي اللي رميتي الضنا!
ميرا ردت بصوت محروق
أرمي الضنا وأنا ببعت لها كل شهر 5000 جنيه نفقة مع محامي؟ أنا كنت بشتغل شغلانتين عشان أوفر لها مصاريفها، وخالد كان بياخد الفلوس دي ويمضي على الوصلات، وفي نفس الوقت يفهّم نادية إن البنت ملهاش حد يصرف عليها غيرها!
نادية بصت لخالد اللي كان وشه جاب ألوان، وقلت