رجل المافيا

قال
كمل.
كان فيه راجل بالاسم ده بيشتغل مع والدك زمان.
قلت بسرعة
جدي؟
كرم بصلي.
مش متأكد.
جابر قال
هات الملفات القديمة.
بعد عشرين دقيقة، كان القصر شبه مستشفى طوارئ.
اتفتح الشبابيك كلها.
واتنقل الشخصين اللي فقدوا الوعي للحديقة، واتضح إنهم استنشقوا كمية بسيطة من المادة قبل ما النظام يتقفل.
الاتنين رجعوا لوعيهم.
لحسن الحظ، قدرنا نوقف الخطة قبل ما تتحول لمجزرة.
لكن بالنسبة لجابر...
الموضوع بقى أكبر من محاولة قتله.
كنا قاعدين في غرفة مكتبه، وقدامنا صندوق قديم جابه كرم من خزنة في جناح مقفول من سنين.
ملفات والده.
فؤاد الصاوي.
الرجل اللي مات رسميًا من 12 سنة في انفجار يخت خاص قبالة سواحل اليونان.
الجثة وقتها اتحرقت لدرجة إن التعرف عليها كان صعب.
لكن التقرير أكد وفاته.
جابر ورث كل شيء بعده.
الفلوس.
الشركات.
الأعداء.
والإمبراطورية.
كرم طلع ملف أصفر.
فتحه.
وبعدين سكت.
حطه قدامي.
كانت صورة قديمة.
أربع رجالة واقفين قدام مخزن.
أشرت لواحد منهم.
إيدي بدأت ترتعش.
ده جدي.
كنت أعرفه من الصور القديمة اللي أمي محتفظة بيها.
عبدالسلام حسن.
كان واقف جنب فؤاد الصاوي.
سألت
جدي كان يعرف والدك؟
جابر رد
أكتر مما تتخيلي.
طلع ورقة من الملف.
جدك كان مسؤول مخازن عند أبويا.
كرم كمل
وكان الشخص الوحيد اللي بلغ عن شحنة مواد كيميائية دخلت البلد بطريقة غير قانونية.
قلبي دق.
مواد إيه؟
كرم بص للخيط الأسود اللي كان محطوط في كيس الأدلة.
نفس عيلة المواد اللي كانت بتتعالج بيها الخيوط دي.
حسيت نفسي مش قادرة أتكلم.
جابر بدأ يقلب الأوراق.
وبعدين وقف عند تقرير.
قرأه.
وشه اتجمد.
ناولني الورقة.
كان تقرير حادث.
وفاة عبدالسلام حسن في حادث سير.
بعد أسبوع واحد من تقديمه بلاغ عن الشحنة.
قلت
أمي قالت إن جدي مات في حادث.
جابر رد
الظاهر إنه ما كانش حادث.
رفعت عيني له.
والدك قتله؟
جابر ما ردش بسرعة.
ودي كانت إجابة كفاية.
قلت بغضب
يعني أنا اشتغلت ست شهور في بيت عيلة قتلت جدي؟
جابر قال
أنا ما كنتش أعرف.
بس أبوك كان يعرف.
آه.
أول مرة أشوف جابر الصاوي يقول كلمة بالحجم ده من غير دفاع.
ولا تبرير.
قال
ولو أبويا عملها... هتعرفي الحقيقة كاملة.
في نفس الوقت، رجال كرم كانوا بيتتبعوا الممر السري.
الممر خرج على مبنى مهجور على بعد حوالي 800 متر من القصر.
لكن ماهر كان اختفى.
كل اللي لقوه كان عربية متروكة.
وجواها موبايل محروق.
لكن قبل ما يتحرق تمامًا، قدر واحد من رجال التقنية يستخرج رقم واحد اتصل بيه ماهر قبل هروبه.
رقم دولي.
اتصل مرة واحدة.
مدة المكالمة 17 ثانية.
جابر قال
شغل التسجيل.
الرجل رد
المكالمة نفسها مش متسجلة، لكن عندنا تسجيل صوتي من كاميرا العربية. المايك التقط كلام ماهر.
شغل التسجيل.
سمعنا صوت ماهر.
كان بيقول
الخطة فشلت... البنت عرفت الخيط.
صمت.
ثم
أيوه.
صمت تاني.
ثم قال
فاهم يا فندم.
وبعدها آخر جملة
هقابلك في المكان القديم.
جابر وقف.
المكان القديم.
كرم قال
تقصد إيه؟
لكن جابر كان عارف.
الميناء.
وصلنا لمخزن مهجور قرب الميناء قبل المغرب.
كرم رفض إني أروح.
لكن جابر قال
الرسالة ذكرت مريم بالاسم. لو فيه حاجة تخص عيلتها، من حقها تسمعها.
دخلنا المخزن.
كان فاضي.
إلا من كرسي واحد في النص.
وماهر مربوط عليه.
حي.
وشه مليان كدمات.
قلت
مين عمل فيه كده؟
وفجأة...
سمعنا صوت تصفيق بطيء.
طلع رجل مسن من الظلام.
طويل.
شعره أبيض.
ماشي بعصاية.
جابر توقف.
لأول مرة منذ عرفته...
شفت الخوف في عينيه.
مش خوف من الموت.
صدمة.
قال كلمة واحدة
أبويا؟
الرجل ابتسم.
فؤاد الصاوي.
الرجل الميت من 12 سنة.
قال
كبرت يا جابر.
جابر ما اتحركش.
إنت حي.
واضح.
كرم رفع مسدسه.
لكن عشر نقط ليزر حمرا ظهرت على صدره من أماكن مختلفة.
رجالة مستخبيين حوالينا.
فؤاد قال
نزل السلاح يا كرم. لو كنت عايزكم ميتين، ما كنتوش دخلتوا من الباب أصلًا.
جابر بص لأبوه.
ليه؟
فؤاد ضحك.
السؤال الصح ليه رجعت؟
حاولت تقتلني.
لأ.
الدكتور اعترف.
الدكتور عرف جزء من الخطة.
جابر أشار لماهر.
وده؟
فؤاد بص لماهر باحتقار.
ده سرق مني.
ماهر رفع رأسه بالعافية.
كداب.
فؤاد تجاهله.
ثم بصلي.
إنتِ شبه أمك.
رجعت خطوة.
إنت تعرف أمي؟
أعرفها من وهي طفلة.
قلت
إنت قتلت أبوها؟
سكت.
ثم قال
أيوه.
جابر بص لأبوه.
كرم نفسه اتصدم.
فؤاد كمل من غير ندم
عبدالسلام اكتشف شحنة كان المفروض ما يعرفش عنها حاجة. ورفض الفلوس. وكان هيتكلم.
صرخت
فقتلته؟
في العالم اللي كنا عايشين فيه، دي كانت النتيجة.
جابر قال ببرود
كنا؟
فؤاد بصله.
بعد موته، اكتشفت إن الشحنة نفسها كانت جزء من عملية أكبر، وإن رجالة من جوا التنظيم كانوا بيسرقوني. ولما بدأت أقرب منهم، حاولوا يقتلوني.
جابر قال
فعملت نفسك ميت.
بالضبط.
وسِبتني مكانك.
فؤاد ابتسم.
كنت محتاج حد يمسك الاسم.
الجملة وقعت علينا كلنا.
جابر فهم.
استخدمتني كدرع لمدة 12 سنة.
فؤاد ما أنكرش.
وأثبت إنك تستحق الاسم.
جابر قرب منه.
وبعدين قررت تقتلني؟
فؤاد قال
أنا اللي رتبت إصابتك.
كرم رفع مسدسه تاني.
إنت مجنون.
لكن فؤاد رفع إيده.
الرصاصة ما كانش هدفها قتله.
بص لجابر.
كنت محتاجك تدخل غرفة عمليات.
قلبي دق.
جابر قال
عشان الخيط.
آه.
سألته
ليه؟
فؤاد بصلي.
لأن الخيط ما كانش مجرد سم.
طلع من جيبه ملف صغير ورماه على الترابيزة.
المادة الموجودة عليه كانت علامة.
جابر فتح الملف.
تحاليل.
صور.
أسماء شركات.
فؤاد قال
كنت بشك إن الدكتور هشام بيشتغل مع ماهر. ادّيتهم فرصة ينفذوا خطة كانوا فاكرين إنها بتاعتهم.
جابر اتصدم.
يعني إنت اللي وصلت لهم فكرة قتلي؟
وصلت لماهر معلومة إنه يقدر يشتري الدكتور. وهو عمل الباقي.
ماهر صرخ من الكرسي
إنت وعدتني إن جابر هيموت!
فؤاد ابتسم.
ودي كانت غلطتك. صدقتني.
بدأت أفهم.
فؤاد حرك الجميع كأنهم قطع شطرنج.
خلى ماهر يفتكر إنه بيخطط للانقلاب.
خلى الدكتور يفتكر إنه بياخد فلوس مقابل جريمة.
وخلى ابنه نفسه يدخل عملية خطرة.
قلت
لكن جابر كان هيموت فعلًا.
فؤاد بصلي.
كان المفروض الخيط يتشال بعد 48 ساعة.
جابر سأله
مين كان هيشيله؟
فؤاد أشار لسامح.
الممرض.
اتصدمت.
سامح كان بيشتغل معاك؟
من غير ما يعرف هويتي.
لكن الخطة خرجت عن السيطرة.
ماهر اكتشف إن سامح بيسأل عن الخيط.
فمنعه من الاقتراب من الجرح، وخلى الدكتور هشام يستمر في العلاج لحد ما جابر وصل لمرحلة التسمم.
جابر قال
يعني كنت مستعد تخاطر بحياتي عشان تكشف خائن؟
فؤاد رد بمنتهى البرود
لو ما كنتش قادر تنجو، ما كنتش تستحق اللي بنيتهولك.
في اللحظة دي...
حاجة اتكسرت في وش جابر.
مش غضب.
آخر ذرة احترام لأبوه.
قال
إنت ما بنيتش حاجة عشاني.
قرب منه.
إنت استخدمتني.
فؤاد ابتسم.
وفي الآخر نجوت.
جابر بصلي.
لأ.
وبعدين رجع لأبوه.
هي اللي أنقذتني.
فؤاد بصلي.
ودي الحاجة الوحيدة اللي ما حسبتش حسابها.
قلت
عشان عمرك ما حسبت حساب الناس اللي بتعتبرهم أقل منك.
ابتسامته اختفت.
قلت
جدي كان مجرد عامل مخازن بالنسبة لك، فقتلته.
وأشرت لماهر.
وده كان مجرد أداة.
وأشرت لجابر.
وحتى ابنك كان مجرد درع.
سكت المكان.
فؤاد قال
وإنتِ فاكرة نفسك إيه؟
بصيتله.
البنت اللي بوظت خطتك كلها بخيط.
فجأة ماهر بدأ يضحك.
كلنا بصينا له.
قال
هي لسه فاكرة إنك مسيطر يا فؤاد؟
فؤاد لف له.
ماهر رفع رأسه.
قولهم بقى عن التحويل.
جابر قال
تحويل الخمسة مليون؟
فؤاد سكت.
ماهر ابتسم.
الفلوس ما جاتليش من فؤاد.
الصمت نزل.
جابر قال
أمال من مين؟
ماهر بص ناحية فؤاد.
من الحساب اللي فؤاد نفسه كان بيدور عليه من 12 سنة.
فؤاد اتحرك لأول مرة بعصبية.
اخرس.
ماهر ضحك.
خايف يعرفوا؟
كرم رفع مسدسه.
اتكلم.
ماهر قال
الشحنة اللي عبدالسلام اكتشفها زمان ما كانتش ملك فؤاد.
بصلي.
جدك اكتشف شبكة كاملة لغسيل الأموال وتهريب مواد صناعية خطرة عن طريق شركات ملابس.
ثم بص لفؤاد.
وفؤاد قتله عشان يحمي نفسه... وبعدها اكتشف إن الشبكة أكبر منه.
فؤاد صرخ
كفاية!
لكن