"أبويا قبل ما يموت كتب كل أملاكه لمراته التانيه وابنها

المطبخ وهي شايلة كوباية قرفة دافية وحطتها قدامي على التربيزة
لما تخلصي عياط، ادخلي نامي عشان بكرا وراكِ مشوار مهم.
مشوار إيه؟
هتروحيلي السجل التجاري وهيئة الاستثمار.
مفهمتش هي ناوية على إيه، بس من نظرة عينيها عرفت إن أمي مش بتهزر. الليلة دي معرفتش أغمض عيني، كل ما أقفل عيني أشوف ضحكة ميرفت المستفزة، وأفتكر كلمة كريم.
تاني يوم الصبح بدري، أمي ادتني فلاشة USB وتوكيل رسمي منها
خدي التوكيل ده وروحي السجل التجاري، واطلبي فحص ملف شركة الصاوي للمقاولات. ركزي أوي على بند حق انتفاع الأراضي. وبعدها فوتي على هيئة المساحة والشهر العقاري، واستعلمي برقم القطع اللي في الورقة دي.
أمي ادتني ورقة صغيرة مكتوب فيها شوية أرقام متسلسلة.
ماما، إنتي بتدوري على إيه بالظبط؟ فهميني.
لما تروحي هناك هتعرفي كل حاجة بنفسك.
خرجت وركبت المواصلات، وبعد حوالي ساعة وصلت. لما الموظف طلعلي الملفات بالتوكيل، قعدت أفر في الورق صفحة صفحة. مجموعة الصاوي للمقاولات عندها 6 مشاريع ضخمة شغالة دلوقتي، وقيمة الأراضي المسجلة للمشاريع دي حوالي 1 2 مليار جنيه. لكن لما رحت هيئة المساحة والشهر العقاري عشان أتأكد من ملكية الأراضي دي، جالي ذهول ووقفت مش قادرة أتحرك.
ال 6 أراضي دول... مفيش ولا أرض واحدة منهم متسجلة باسم مجموعة الصاوي للمقاولات. كل الأراضي دي مملوكة لشركة تانية خالص اسمها مؤسسة الشافعي للعقارات والاستثمار.
الشافعي... نادية الشافعي! دي أمي!
مسكت الموبايل وايدي بترحش بطريقة مرعبة، واتصلت بأمي فوراً
ماما! الأراضي دي...
عرفتي؟
كلهم باسمك إنتي؟! إنتي عملتي كدا إمتى وإزاي؟
من اتناشر سنة فاتوا.. أول سنة أبوكِ سلمني فيها الإشراف المالي الكامل على حسابات الشركة، أنا بدأت أتحرك.
ليه يا ماما؟
الخط سكت كام ثانية، وبعدين قالت
عشان في السنة دي، لقيت حلق ميرفت في عربية أبوكِ و عرفت أنه متجوز عليا فى السر.
كنت واقفة قدام باب الشهر العقاري، والموبايل على ودني ودماغي بتلف. اتناشر سنة! أمي كانت صابرة ومستحملة وقاعدة في البيت بقالها 12 سنة! بس مكنتش قاعدة بتعيط وندب حظها.. دي كانت بتخطط وتأمن نفسها.
ماما، طب كدا مجموعة الصاوي للمقاولات...
من غير حق الانتفاع وملكية ال 6 أراضي دول، كل المشاريع اللي في إيديهم عبارة عن قشرة فاضية.. هوا. العقود، التراخيص، قرارات التخصيص، وأوراق التنفيذ.. كلها طالعة ومسجلة باسم مؤسسة الشافعي. شركة أبوكِ مجرد مقاول تنفذي واجهة بس عشان تدير الشغل.
طب وال 1 8 مليار جنيه اللي بيقولوا عليهم؟
شغلي مخك يا منة.. شركة عبارة عن واجهة مفيهاش أراضي، ولا تراخيص مشاريع باسمها، ولا أصول حقيقية.. تسوى كام في السوق؟
إيدي اترعشت تاني، بس المرة دي مش من القهر... المرة دي من الفرحة والفخر بأمي. أخيرًا فهمت.. فهمت ليه أمي كانت باردة وهادية وهي بتمضي التنازل. لأن الحاجة اللي تنازلت عنها... كانت مجرد ورقة ملهاش أي قيمة!
في نفس اليوم بعد الظهر، ميرفت خدت ابنها كريم وراحت البنك وهي مشايلاها الأرض عشان تنقل الحسابات والثروة لاسمها. الكلام ده المحامي حازم هو اللي حكاهولي بعدين.
قال إن ميرفت كانت داخلة البنك ولابسة طقم شانيل جديد، وشعرها معمول عند أكبر كوافير، وضوافرها لسه متظبطة، ولابسة كعب عالي ومقضية الحكاية برستيج وهي داخلة صالة ال VIP في البنك
لو سمحت، أنا عاوزة أنقل الحسابات دي لاسمي، ودي الوصية الموثقة وصيغة الإعلام الشرعي.
مدير فرع البنك أخد الملف وقرأه، ودخل جوه عشان يراجع الحسابات على السيستم. غاب حوالي ثلث ساعة ورجع، بس وشه كان مقلوب تماماً وعلامات التعجب مالية ملامحه
مدام ميرفت، إجمالي الأرصدة المتاحة في الحسابات التجارية المسجلة باسم الأستاذ عبد الحميد الصاوي هي 473 ألف و جنيه بس.
أفندم؟! إيه اللي أنت بتقوله ده؟
أما الحسابات الشخصية، فإجمالي المبالغ اللي فيها هو مليون و ألف جنيه.
مستحيل! أنت أكيد مجنون! ميرفت وقفت من على الكرسي وهي بتصرخ الشهر اللي فات بس، ميزانية شركة الصاوي للمقاولات والحسابات الدفترية كانت مسمعة 1 8 مليار جنيه!
المدير رد بهدوء وثبات
يا فندم، دي الحسابات الفعلية اللي قدامنا على السيستم، وتقدروا تراجعوا الحسابات القانونية والمحاسب المالي للشركة. دي كل المبالغ المتاحة. وزيادة على كدا، أنا لازم أبلغ حضرتك إن مجموعة الصاوي للمقاولات عليها 3 قروض بنكية لسه متسددتش، وإجمالي قيمتها 240 مليون جنيه، والضامن الشخصي للقروض دي هو الأستاذ عبد الحميد الصاوي الله يرحمه. وبما إنه توفى، فالمسؤولية القانونية لتسديد القروض دي بتتنقل للورثة والجهات الآيل إليها الإرث التجاري...
وش ميرفت اتحول للون الأبيض زي الأموات، والدم هرب من عروقها تماماً. ابنها كريم اللي كان واقف جمبها اتدخل وزعق
الكلام ده كدب ومش حقيقي! شركة أبويا قيمتها وسعرها في السوق 1 8 مليار جنيه! إزاي مفيهاش فلوس وكمان مديونة؟!
المدير بص له بنظرة باردة وقال بكل أدب
يا فندم، القيمة السوقية وتقييم الشركات حاجة، والسيولة النقدية الكاش اللي في الحسابات حاجة تانية خالص. وبعدين، ال 6 مشاريع العقارية الأساسية اللي قايمة عليها شركتكم، حسب بيانات السجل التجاري والجهات الحكومية، حق الانتفاع بتاع الأراضي ورخص البناء والتطوير مش ملك لمجموعة الصاوي أساساً.
ميرفت رجعت خطوة لورا وهي بتترعش
يعني إيه؟ الأراضي دي مش باسم الشركة؟ أومال باسم مين؟!
باسم شركة تانية اسمها مؤسسة الشافعي للعقارات. والمالك والممثل القانوني ليها هي السيدة... نادية الشافعي.
الأوضة كلها في البنك بقت هسس... مفيش نفس بيطلع لمدة عشر