كل البنات بيخافوا من 'ليلة'، بس أنا خوفي كان من نوع تاني خالص.. خوفي بدأ لما اكتشفت إن السرير اللي المفروض أنام عليه،

إحنا معندناش شغالين.
قالت ببرود هيبقى عندكم.. بس المهم تفهمي إن عاداتنا غير عادات بنات البندر، إحنا أهل ومفيش بينا خصوصية.
قالتها وهي بتبص لي في المراية بابتسامة خبيثة انتي حساسة أوي يا ليلى، بس هتاخدي علينا.. وهتتعودي.
كلمة هتتعودي دي هي الكلمة اللي بيموتوا بيها شخصية الست في مصر.
في ليلة، قفلت باب الأوضة بالمفتاح. أحمد اتجنن بتقفلي الباب ليه؟ إحنا في بيت دعارة؟
قلت له عايزة خصوصية.
ضحك وقال انتي بقيتي غريبة أوي.
الساعة 2 بالليل، سمعت صوت خطوات بره الباب.. وقفت.. وبعدين اختفت.
بعدها بيومين، لقيت ورقة تانية بين الهدوم في الدولاب انتي نايمة في مكان محجوز لصاحبه من زمان.
الانفجار
روحت واجهت سعاد في الصالة انتي اللي بتعملي كدة؟
ردت ببرود انتي بقيتي مريضة بالشك، يمكن البيت هو اللي بيتكلم!
لما أحمد رجع، حكيت له، قالي أكيد ماما كانت بتطمن علينا محتاجين مية ولا حاجة.
صرخت فيه الساعة 2 بالليل يا أحمد؟!
بص لي بقرف وقالي ليلى، أنا راجع من الشغل تعبان، مش عايز نكد.
اكتشفت إن أحمد مش بس ضعيف، ده متواطئ. هو عارف إن أمه مريضة نفسياً ومستمتع بمرضها ده لأنه بيحسسه إنه محور الكون.
الموضوع وصل لقمته لما سعاد أعلنت على الفطار ببرود أنا قررت أنقل أعيش معاكم هنا كام شهر، عشان أعلمك أصول البيت.
أنا ضحكت بجد، كنت فاكراها نكتة. بس لما لقيت أحمد ساكت وأبوه حسين باصص في الطبق، عرفت إنها كارثة.
قمت وطفيت البوتاجاز، وبصيت لأحمد قول حاجة.
رد بضعف يا ليلى، ما هو يمكن أسهل للكل لو..
قاطعتُه لا.. ده بيتي، بفلوسي. أنا مش هعيش حياتي مع مشاكل مامتك النفسية. أنا استحملت قلة القيمة ليلة فرحي، واستحملت الرسايل، واستحملت دخولها أوضتي.. لحد هنا وكفاية.
سعاد وقفت وزعقت انتي إزاي تكلمي الكبار كدة؟
رديت وانتي إزاي تحطي لي رسايل تهديد في أوضتي؟
قالت الجملة اللي كشفت كل حاجة انتي فاكرة لما اتجوزتيه بقى بتاعك؟
بتاعك.. ملكية.. مش ابن، ده ممتلكات خاصة.
دخلت الأوضة، لميت شنطتي، وأحمد بيجري ورايا انتي بتكبري الموضوع، دي لحظة غضب.
قلت له إنت خليت أبوك ينام في سريري ليلة فرحي.. إنت شوفت أمك بتدمرني وسكت.. إنت مش راجل، إنت مجرد ابن ماما.
روحت لميرا، عيطت وضحكت في نفس الوقت.
بعد أسابيع، عرفت إن سعاد تعبت ودخلت المستشفى، عملت محاولة انتحار وهمية عشان تلوي دراع أحمد ويرجعني أو يخليها تعيش معاه.
حمايا حسين كلمني، وقال لي بصراحة متمشيش ورا قلبك يا بنتي، سعاد مريضة بالاستحواذ من يوم ما ولدت أحمد، وأنا فشلت أسيطر عليها. اهربي بجلدك.
اما أحمد بعد ما ليلى سابت البيت، أحمد عاش شهر كامل في جحيم. في الأول كان بيلوم ليلى وشايفها مفترية وخربت البيت، وده لأن أمه كانت ليل نهار بتغذي الفكرة دي في دماغه. 
لكن اللي خلاه يقتنع إن أمه مريضة كان الصدام المباشر من غير وجود ليلى
لما ليلى مشيت، مابقاش فيه حد سعاد الحما تفرغ فيه طاقتها، فبدأت تمارس نفس السيطرة والضغط على أحمد بشكل خانق. مكنتش بتسيبه ينام، كانت بتدخل عليه الحمام، وبتفتش في موبايله عشان تشوف بيكلم ليلى ولا لأ. لأول مرة، أحمد حس إنه مخنوق مش محبوب
و في يوم، أحمد حاول ينزل يقابل ليلى في السر عشان يصالحها، سعاد عرفت وعملت نوبة انهيار عصبي حقيقية، كسرت فيها عفش البيت وشتمته بأبشع الألفاظ لأنه خانها مع مراته. هنا أحمد شاف وش أمه الحقيقي لأول مرة؛ وش الشخص اللي عايز يمتلكه مش اللي عايز مصلحته.
وبعدين حما ليلى حسين قعد مع ابنه قعدة رجالة، وطلع له أجندة قديمة كانت سعاد كاتباها من سنين، فيها رسايل وكلام بيبين إنها كانت بتخطط تطفش أي بنت تقرب من ابنها من أيام الجامعة. الصدمة دي كانت هي القلم اللي فوق أحمد.
بعد سنة، اتقابلنا انا وأحمد .. كان هدي وبدأ يفهم.
بدأنا من جديد، في مدينة تانية المنصورة، بعيد عن القاهرة وضغطها.
أول ليلة في شقتنا الجديدة، واحنا قاعدين بناكل كشري على الأرض لأن العفش لسه مجاش، النور قطع.
ضحكنا من قلبنا.. ضحك بجد.
أحمد بص لي وقالي بصوت واطي
أوعدك.. مفيش حد هينام في سريرنا النهاردة غيرنا.
ضحكت لحد ما دمعت. مكنتش الدنيا بقت مثالية، ولسه فيه ندبات في قلبي، بس الأكيد إن السلام أهم من الحب نفسه. السلام بيبدأ بباب مقفول، وشنطة ملمومة، وست تقرر إنها مش هتتخلى عن مكانها في سريرها ولا في حياتها عشان ترضي حد.