أنا اللي رحت استلم ورث أبويا 'خرابة' في الأرياف، لقيت الجيران بيحدفوني بالدبش والبلطجية محاوطين البيت بالليل.. الكل كان فاكرني صيد سهل وهبيع الأرض بـ 50 ألف جنيه عشان أهرب بجلدي، بس الصدمة لما عرفت

أنا اللي رحت استلم ورث أبويا خرابة في الأرياف، لقيت الجيران بيحدفوني بالدبش والبلطجية محاوطين البيت بالليل.. الكل كان فاكرني صيد سهل وهبيع الأرض ب 50 ألف جنيه عشان أهرب بجلدي، بس الصدمة لما عرفت إن تحت بيت أبويا كنز هما مستعدين يقتلوني عشانه!
الحكاية
أنا نادية، بنت من حي شعبي بسيط، فجأة لقيت نفسي وحيدة في الدنيا بعد ما أبويا وأمى ماتوا في حادثة ميكروباص. كل اللي سابوهولي بيت قديم في قرية بعيدة في المنوفية، بيت مهجور والحيوانات الضالة واكلاه.
رحت هناك بشنطة هدومي، لقت الست روحية جارتي بتستقبلني بوش خشب
يا بت الناس، البيت ده منحوس.. اخلصي وبيعي

الأرض دى
لشريف الدلال وغوري من هنا، بدل ما يحصلك اللي حصل لأهلك!
أنا قلبي قبضني، بس اول ما دخلت البيت و قعدت شويه أروق فيه وانظفه لقيت جوه البيت صندوق خشب
فيه جوابات وصية من أبويا وأمها.
أبويا كاتب لي يا نادية، البيت ده فيه سر عيلتنا.. الأرض دي مش مجرد طين، دي شفا لكل مريض.. داوي الغلابة تفتح لك طاقة القدر.
تاني يوم، ظهر لي شريف الدلال، راجل ببدلة كحلي وضحكة صفرا، وقعد يتمسكن
يا نادية يا بنتي، الأرض دي مش جايبة همها، وأنا هشيلها منك ب 50 ألف جنيه كاش، ومصاريف المحامي عليا.. ده كرم مني ليكي والله.
كنت هوافق من غلبي، لولا ياسين، محامي شاب من ولاد البلد، وقفني وقالي
استني يا نادية.. شريف مش عاوز الأرض، شريف عاوز البير السري اللي في آخر الجنينة، والوصفات اللي جدتك كانت بتعالج بيها الناس.. الراجل ده بايع الأرض لشركة أدوية عالمية ب 3 مليون جنيه!
هنا اللعبة بدأت.. شريف لما لآني رفضت، بعت لي بلطجية بالليل يخوفوني ويقلبوا الأرض، وعمل فيا بلاغ كيدي في المجلس المحلي عشان يطردني.
بس أنا وياسين لعبناها صح..
ياسين جاب صحابه الأسطى حنفي والأسطى عبده وقلبنا البيت جنة في أسبوع واحد، ورخصت الأرض مزرعة أعشاب طبية بشكل رسمي.
يوم ما شريف جه مع لجنة المجلس المحلي عشان يطردني ويقول البيت خرابة وآيل للسقوط، اتصدم لما لقى البيت مدهون ونضيف، واللجنة أشادت بيا وبنظافة المكان.
رحت رامية في وشه صورة ضوئية من العقد اللي كان مجهزه لشركة الأدوية
ال 50 ألف جنيه دول خليهم لعيالك يا شريف بيه.. الأرض دي بقت مركز طبيعي لأعشاب جدتي، وال 3 مليون جنيه اللي كنت هتاخدهم من ورانا، بقوا ملكي أنا وأهل البلد الغلابة.
شريف وشه جاب ألوان وهرب زي الفار، والست روحية اللي كانت بتخوفني، جت وبستني وقالت لي سامحيني يا بنتي، كان مهددني يرمي ابني في السجن لو مساعدتوش يطفشك.
أنا دلوقتي صاحبة أكبر مزرعة أعشاب في المنطقة، واتعلمت إن الورث مش بس فلوس وحيطان.. الورث عقل يعرف يحافظ على اسم أهله وسط الديابة.